ڕەنگە هەندێك لە پیاوان ئەو پرسیارە بەخەیاڵیاندا هاتبێت ئاخۆ پیاوی نمونەی لە چاوی ئافرەتدا كێیە ؟ و ئەو شتانەی پیاو چیە كە سەرنجی ئافرەت ڕادەكێشێت ؟ئێستا وەك پیاو و هاوسەرێك دەتوانیت سوود لەم 10 ڕێنماییە وەربگریت بۆ ئەوەی ژیانێكی ئاسودە و بێ كێشەت هەبێت و هاوسەرەكەت بەردەوام خۆشی بوێیت .
1-متمانە :ئەو كاتەی توانیت متمانەی خۆت لای هاوسەرەكەت دروست بكەیت و لە هەمان كاتدا متمانەت بەو هەبێت ئەوە گومانت نەبێت لەوەی ژیانت بەختەوەر و بێ كێشە دەبێت .
2-باوەڕت هەبێت بەوەی ئەو خانمەی بۆتە هاوسەرت ئافرەتی خەونەكانتە و هەوڵبدە تۆش پیاوی خەونەكانی ئەو بیت .
3-شانازی بكە بە هاوسەرەكەتەوە ، و هەمەیشە ئەوەی لە ناختدایە بەرامبەری بی دەرببڕە .
4-ئازادی بدە بە هاوسەرەكەت و لە چوارچێوەیەكدا مەیهێڵەرەوە چونكە ئەمە هاوسەرەكەت بێزار دەكات ، ئەویش خۆشحاڵ دەبێت ئەگەر وەك تۆ لەگەڵ هاوڕێكانی كات بەسەر ببات .
5-بەردەوام ڕاستگۆببە لەگەڵ هاوسەرەكەت ، درۆكردنی هاوسەرەكان ناپاكی و چەندین كێشەی دیكەی لێدەكەوێتەوە و ڕەنگە هەندێكجار بەرەو جیابونەوەش سەر بكێشێت .
6-ئەو كاتەی تۆ و هاوسەرەكەت یەكتریتان قبوڵكرد بە تەواوی كەموكورتی و باشیەكانەوە ئەوە دڵنیابە ئارام دەبیت و كێشەتان نابێت .
7-خانم هاوسەرەكەت ئارەزوو دەكات هەمیشە دەم بەخەندە بیت و دڵی هاوسەرەكەت خۆش بكەیت ، كەس ئارەزووی ژیانكردن ناكات لەگەڵ كەسێكی مڕومۆچ.
8-پیاوان ئارەزووی بیستنی وشەی خۆش و شیرین دەكەن لە لایەن خانمەكانیانەوە ، لەبەر ئەوە تۆی خانم بۆ ئەوەی هاوسەرەكەت هەمیشە خۆشی بوێیت هەوڵبدە ڕەزیلی نەكەیت لە دەربڕینی وشەی جوان و شیرین بۆ هاوسەرەكەت .
9-پێویستە هاوسەرەكان هەمووكات ڕوی ڕاستەقینەی خۆیان پیشانی یەكتر بدەن ، دوور بكەوەرەو لە تەمسیل كردن ، ئەمە هەم خۆت و هەم هاوسەرەكەت بێزار دەكات و ناگەیتە ئەنجام لەگەڵی .
10-پەیوەندی سێكسی بەشێكی دیكە دەبێت لە هۆكارەكانی نوێ بونەوەی خۆشەویستی نێوان هاوسەرەكان ، جگە لەوەش دەتوانی هەندێكجار بە ماچكردنێك یان دەستگرتنێك سەرنجی هاوسەرەكەت ڕابكێشیت .