‌10 ئامۆژگاری بۆ چۆنیەتی ڕەفتاركردن لەگەڵ منداڵی توڕە
17/08/2016
یەرزكردنەوەی تۆنی دەنگ  و هاواركردن و قسەكردن بە خێرای و تێكەڵاوكردنی وشەكان لەكاتی قسەكردندا چەند نیشانەیەكن بۆ كەسایەتی منداڵی توڕە ، ئەگەر هەست دەكەیت منداڵەكەت توڕەیە ئەوە تۆ پێویستت بەم 10 ئامۆژگاریە دەبێت بۆ ئەوەی بزانیت چۆن ڕەفتاری لەگەڵ دەكەیت ، جگە لەوەش چەند هۆكارێك هەیە وا لەمنداڵ دەكات كەسایەتیەكی توڕەی هەبێت لەوانەش :
 
- توڕەبوونی بەردەوام لە منداڵ و هەستكردن بە كەمی سۆز لەلایەن دەوروبەرەوە بۆ منداڵ ئەو هەستە دروست دەكات .
 
- جیاوازی كردنی مامەڵە لەنێوان منداڵەكاندا ئەم هەستە دروست دەكات .
 
-زیاد لە ئاستی سروشتی نازپێدان بە منداڵ .
-توڕەبوونی یاوك و نواندنی ڕەفتاری نەگونجاو بەرامبەر منداڵ .
 
- بەردەوام تەماشاكردنی ئەو پرۆگرامانەی منداڵ فێری شەڕەنگێزی دەكەن .
 
- هەندێكجار چەند هۆكارێكی تەندروستی وەك زیاد لە ئاستی سروشتی دەردانی ڕژینەكانی پەریزاد یان كەمی هەندێك لە جۆرەكانی ڤیتامین لە جەستەدا دەبێتە هۆی توڕەی و هەڵەشەی منداڵ .

ئەوەندەی ئەم هۆكارانە وەك دایك و باوكێك لە دەستی تۆدایە پێویستە چارەسەری بكەیت و ئەوەش كە پەیوەندی بە هۆكاری تەندروستیەوە هەیە پێویستە منداڵ پشكنینیی پزیشكی بۆ بكرێت بۆ ئەوەی چارەسەری پێویست وەربگرێت .
 
دەتوانیت سوود لەم 10 ڕێنماییەش وەربگریت بۆ چۆنیەتی ڕەفتاركردن لەگەڵ منداڵێك كە زۆر توڕەبێت .
 
1- وەك دایك و باوكێك خۆشەویستی خۆت بدە بە منداڵەكەت بەڵام ئەوەندەش نازی مەدرێ نەتوانێت ڕاست و چەپی خۆی لەیەك جیابكاتەوە.
 
2-وەك باوكێك دوور بكەوەرەوە لە گفتوگۆكردنی توند و شەڕكردنی لەگەڵ دایكی منداڵەكانت لەپێش چاوی منداڵەكانتان .
 
3- ڕێگە مەدە منداڵەكەت تەماشای فیلم و فیلم كارتۆن و پرۆگرامی شەڕەنگێزی بكات و ئاگاداری ئەو شتانە ببە كە ئەو تەماشای دەكات بۆ ئەوەی بەرهەمە خراپەكان كار نەكاتە سەر كەسایەتی ئەو .
 
4- كاتێك منداڵەكەت توڕە دەبێت بە توڕە بوونێكی دیكە وەڵامی مەدەرەوە چونكە ئەمە دۆخەكە ئەوەندەی تر ئاڵۆز دەكات .
 
5- جیاوازی مەكە لەنێوان منداڵەكانتدا و هەموو بەیەك چاو تەماشایان بكە .
 
6- وا لە منداڵەكەت بكە بەشداری بكات لە چالاكیە وەرزشی و هونەریەكان ئەوەندەی بۆتان دەگونجێت بۆ ئەوەی كەمێك لە دۆخی توڕەبوون دوری بخەیتەوە .
 
7- بەردەوام ئەو پرسیارەی لێ بكە دەیەوێت چی بكات و چی لە مێكشیدایە و لێی گەڕێ گوزارشت لە هەموو شتەكانی ناخی خۆی بكات .
 
8- كاتێك ئەو توڕە دەبێت لێی دوور بكەوەرەوە هەتا ئەو كاتەی سارد دەبێتەوە و دوای ساردبونەوەی هەوڵبدە ڕێنمووی بكەیت جارێكی دیكە ئەو ڕەفتارە دوبارە نەكاتەوە .
 
 9- فێری ئەوەی بكە ئەوەی دەیەوێت  بەشێوەی گفتوگۆكردن بیڵێت  و هاوار نەكات .
 
10- كاتێك ئەو ئارامە باسی ئەوەی بۆ بكە كە چەند ناشرینە مرۆڤ توڕە و هەڵەشە بێت .
ژماره‌ی بینین‌ : 623
کۆمێنت
هێچ کۆمێنتێک بەردەست نیە
کۆمێنتی خۆت بنێرە
ناو :  
ئیمێڵ :   
کۆمێنت :
 
زیاتر ...
رێنماییەكی گرنگ بۆ ئافرەتان ...
‌پیاوان لەم هەڵانە دوور بكەونەوە ...
‌10 ڕەفتار وادەكات باوكێكی سەركەوتووبیت ...
‌چۆن میوە و سەوزە لەیەكتر جیا دەكەیتەوە ؟ ...
‌لەتەمەنی 20 ساڵیەوە لەم 10 ڕەفتارە دوور بكەوەرەوە ...
‌بەوێنە ..كرێكارێك وایكرد شازادە ولیام غیرە لە هاوسەرەكەی بكات ...
‌مانای لێدان و پیاكێشان لە خەودا ...
‌ژیانی هاوسەرگیری لەم دۆخانەدا دەكەوێتە مەترسیەوە ...
ئەم كەسەی دەوێت بۆ هاوسەرگیری ...
٨ کار دەبێت هەموو شەوێک پێش خەوتن بیانکەیت ...
12345
  زاهید هه‌ورامی - Zahid Hawrami
Scroll