بەوێنە.. دیمەنی خۆرهەڵهاتن لەسەر هەسارەكانی دیكە
21/07/2016
 
ژیان لەسەر زەوی بەبێ خۆر مەحاڵە، هەمووشمان تێبینی خۆرهەڵهاتن و خۆرئاوابوونمان كردووە و بەجوانیەكەی سەرسام بووین، بەڵام هەرگیز لەخۆت پرسیوە تۆ بڵێیت ئەو دیمەنە لەسەر هەسارەكانی دیكەوە چۆن بێت؟ ئەم وێنە دیجیتاڵیە خەیاڵیانە كە لەلایەن ڕۆن میللەرەوە دروستكراون كە چەندەها ساڵە لەبواری هەسارەكاندا سەرقاڵی كاركردنە ئەو جوانیەمان نیشان دەدەن كە خۆرهەڵهاتن بە هەسارەكانی دەبەخشێ.
 
- عەتار
ئەم هەسارەیە تەنها 60 ملیۆن كیلۆمەتر لە خۆرەوە دوورە، بۆیە خۆرهەڵهاتن تیایدا سێ هێندەی خۆرهەڵهاتنی زەوی بەهێزتر و ڕووناكترە
- ڤینۆس
108  ملیۆن كیلۆمەتر لە خۆرەوە دوورە، بەهۆی ئەو پەڵە هەورە چڕانەی كە دەوری ئەم هەسارەیەیان داوە، خۆر وەك پەڵەیەكی ڕووناك دەردەكەوێت.

 
 
- مەریخ
مەریخ 230 ملیۆن كیلۆمەتر لە خۆرەوە دوورە، لەم هەسارەیەدا ڕێژەی خۆڵبارین زۆرە.


- موشتەری
ئەم هەسارەیە بە بەراورد لەگەڵ ئەوانی پێشوودا زۆر دوورترە، موشتەری 779 ملیۆن كیلۆمەتر لە خۆرەوە دوورە، خۆر لەم هەسارەیەوە وەك ئەڵقەیەكی سوور دەردەكەوێت لەبەرئەوەی ڕووناكیەكەی بە بارستەی گازی چڕدا تێدەپەڕێت تاوەكو دەگاتە سەر ئەم هەسارەیە.



- زوحەل
ئەم هەسارەیە لەدووری 1.5 ملیار كیلۆمەتر لە خۆرەوە بەسەر خولگەكەیدا دەسوڕێتەوە، تیشكی خۆر لەسەر ئەم هەسارەیەوە وەك كۆمەڵێك پارچە كریستاڵ دەردەكەون كە دیمەنێكی دڵگیری هەیە.



- ئۆرانۆس
وزە و ڕووناكی خۆر بەدەگمەن دەگاتە سەر ئەم هەسارەیە، بەوپێیەی ئۆرانۆس 2.8 ملیار كیلۆمەتر لە خۆرەوە دوورە.

 
- نیپتۆن
ئەم هەسارەیە 4.5 ملیار كیلۆمەتر، واتە 30 هێندەی زەوی لەخۆرەوە دوورە! ڕووناكی خۆر وەك خاڵێكی زۆر بچووك دەردەكەوێت.



- پلوتۆ
خۆر وەك خاڵێكی بچووكی بێ وزە لە پلوتۆوە دەردەكەوێت بەوپێیەی دوورترین هەسارەیە لە خۆرەوە، پلوتۆ 6 ملیار كیلۆمەتر لە خۆرەوە دوورە، ئەوەش 40 هێندەی دووری نێوان زەوی و خۆر دەكات، واتە ئەو وزە و ڕووناكیەی خۆر كە دەگاتە پلوتۆ 1600 جار لەوە كەمترە كە دەگاتە سەر زەوی!

س.م
ژماره‌ی بینین‌ : 1024
کۆمێنت
هێچ کۆمێنتێک بەردەست نیە
کۆمێنتی خۆت بنێرە
ناو :  
ئیمێڵ :   
کۆمێنت :
 
زیاتر ...
هەشت خاڵ بۆ پاراستنى تەندروستى مێشکت ...
‌ڕۆژانە ئەم پێنج ڕەفتارە بەرامبەر منداڵەكەت دوبارە بكەرەوە ...
هۆتێلە هەرزانەکانی شارێکی چین پێشوازی لە هاوڵاتیانی عێراقی ناکەن‎ ...
دەڵێ شەش ساڵە سێكسی توندم لەگەڵدا دەكات ...
‌ئەم هەڵانە هۆكارن بۆ كەمبونەوەی خۆشەویستی دوای هاوسەرگیری ...
سێ باشترین ڕاهێنانەکان بۆ نەهێشتنى دڵەڕاوکێ و خەمۆکى ...
‌تەوەقەكردن زیانی هەیە ؟ ...
نەمسا بە دوای فێڵی پەنابەرانەوەیە ...
‌وێنەیەكی دەگمەنی سەندرێلای عەرەب لە تۆڕەكۆمەڵایەتیەكان بڵاوبۆوە ...
خواردنەوە كحولییەكان ساڵانە 4 ملیۆن كەس دەكوژێت ...
12345
  زاهید هه‌ورامی - Zahid Hawrami
Scroll