کامکاران پێشنیارێکی یەک ملیار دۆلاری ڕەتدەکەنەوە
17/06/2016

هۆشەنگ کامکار ئاماژە بەوە دەکات ئەگەر یەک ملیارد دۆلارمان پێ ببەخشن لەبەرامبەر بەشداری نەکردنی خانمانی کامکاردا ئێمە ڕەتی دەکەینەوە.

سەرپەرشتیاری گروپی کامکاران هۆشەنگ کامکار لە نوێترین چاوپێکەوتنیدا دەڵێت " دەزانن کێشەی ئێمە بۆ سازکردنی کۆنسێرت لە هەرشارێک چییە؟ کێشەمان ئەوەیە ئەگەر دەزگاکانی شارێکی وەک ئەسفەهان یەک ملیارد دۆلار بداتە کامکاران و بڵێت وەرن کۆنسێرتێک ئەنجام بدەن بە بێ سەباو قەشەنگ و هانا، ئێمە ئەو کۆنسێرتە ڕەت دەکەینەوە، ئێمە لە گروپەکەماندا خانمی ژەنیارمان هەیە، هەروەها خانمی گۆرانیبێژمان هەیە، هیچ کاتێک ناچینە ژێر باری ئەوەی ئەم ئازیزانە لەسەر تەختی شانۆ بهێنینە خوارەوە و بڵێین ئێستا ئێوە بەشداری مەکەن و بهێڵن کۆنسێرتەکەمان بکەین تاکو پارەکەمان لەدەست نەچێت"


هۆشەنگ کامکار زیاتر لەمبارەیەوە دەڵێت " لە هەر شوێنێک توانیمان بەم ئەندامانەی کە هەمانە کۆنسێرت ئەنجام دەدەین، ئەگەر ڕێگامان پێنەدرا کۆنسێرت ناکەین و ئیتر بە خانمانی گروپیش ناڵێین لەسەر تەختی شانۆ وەرنە خوارەوە، چونکە ئەمە گەورەترین سوکایەتییە کەسێک بە خانمانی گروپەکەی بکات "

هۆشەنگ لەبارەی سنوردارکردنی کۆنسێرتەکانیانەوە دەڵێت " ئێمە ناڕۆین بۆ ئەو شوێنانەی کە ڕێگای کۆنسێرتمان پێنادرێت، بۆ ئەوەی هەڵایەک دروست نەکەین وبڵێین ئەها ڕێگای کۆنسێرتمان لێدەگرن، تا هەندێک ڕیکلام بۆ خۆمان بکەین، کاتێک دەزانیت ئیمام جومعە یان داواکاری گشتی شارێک ڕێگری لە کۆنسێرت دەکات، ئەسڵەن بۆچی دەچیتە ئەو شارە؟ ئایا دەتەوێ کۆنسێرتەکەت ڕەت بکەنەوە و بەناوبانگ بیت، تا وێنەت لە ڕۆژنامە و گۆڤارەکاندا بڵاوبکەنەوە؟ سایتەکانی دەرەوە ناوت بهێنن؟ خۆشبەختانە یان بەداخەوە ئێمە شارەزای ئەم کارانە نین.

ژماره‌ی بینین‌ : 1429
زیاتر ...
‌من كوڕێكم خۆش ده‌وێت ...
ژماره‌ی بینین : 4024
ناوى ڕاسته‌قینه‌ى به‌شێك له‌ هونه‌مه‌ند عه‌ره‌به‌كان ...
عه‌لا خانم له‌ مردن رزگارى بوو ...
بەوێنە ...هاوسەری ڕاستەقینەی شەهرەزاد ببینە ...
چه‌ند زانیارییه‌كى سەرنجڕاکێش لەبارەی زیاد ئەسعەدەوە ...
کامکاران پێشنیارێکی یەک ملیار دۆلاری ڕەتدەکەنەوە ...
له‌تیفه‌ تونسى باسى هاوسه‌گیرى له‌گه‌ڵ كازم ساهیر ده‌كات ...
نیان عه‌بدوڵا توشى نه‌خۆشییه‌كى درێژ خایه‌ن بووه‌ ...
ڤیدیۆ...تائێستا تارا ڕەسولتان بێ چاوێلكە بینیوە؟ ...
هاوسه‌رگیری له‌گه‌ڵ ئه‌و كه‌سه‌دا ده‌كه‌م خه‌ليفه‌ى داعش بكوژێت" ...
سبیل جان بە هۆنراوەیەکی هێمن حه‌مید سەرسامە ...
12345
  زاهید هه‌ورامی - Zahid Hawrami
Scroll