ئەپڵ داواکاریی دادگایەکی کالیفۆڕنیای بۆ شکاندنی پاسوۆردی ئایفۆنی بکوژێک ڕەتکردەوە
29/02/2016

کۆمپانیای ئەپڵ ڕایگەیاند داواکاری دادگای کالیفۆڕنیای بۆ شکاندنی پاسۆوردی ئایفۆنی یەکێک لە هێرشبەرەکانی، ناوچەی سن برناردینو جێبەجێ ناکات.

پۆلیسی (ئێف بی ئای) ئەمریکا لە ڕێگەی دادگاوە داوای کردووە کۆمپانیای ئەپڵ پاسۆوردی ئایفۆنی یەکێک لە هێرشبەرەکانی ناوچەی سن برناردینو بە ناوی سەید رەزوان فاروق لابەرێت بۆ ئەوەی بتوانن دەستیان بە زانیاریەکانی ناو ئایفۆنەکە بگات.

دادگایەکی ویلایەتی کالیفۆڕنیا داوای لە کۆمپانیای ئەپڵ کردووە پاسوۆردی سەر ئایفۆنەکە لابەرێت، بەپێی بڕیارەکەی دادگا ئەپڵ دەبێت بە شێوازێک پاسۆوردەکە لابەرێت کە زانیارییەکانی ناو ئایفۆنەکە هیچ زیانێکیان بەر نەکەوێت.

تیم کووک بەڕێوەبەری گشتی کۆمپانیای ئەپڵ لە ڕاگەیاندراوێکدا ڕەتی کردووەتەوە داواکارییەکەی دادگا بۆ لابردنی پاسوۆردی سەر ئایفۆنی ئەو تۆمەتبارە جێبەجێ بکات.

٣ی کانوونی ساڵی ٢٠١٥ لە ناوچەی سن برناردینو لە باشوری ویلایەتی کالیفۆڕنیا بە هۆی تەقەی دووچەکدارەوە کە ژن و مێرد بوون لە ناوەندێکی تەندروستی ١٤ کەس کوژران و ٢٢ کەسی تر برینداربوون و دواتر تەقەکەرەکان لە لایەن پۆلیسەوە کوژران.

کۆمپانیای ئەپڵ لە ئێستادا سەرجەم زانیارییەکانی سەر بەرهەمەکانی بە پرۆتۆکۆڵێکی نوێ هەڵدەگرێت کە توانای دەست گەیشتن بە زانیارییەکان قورستر دەکات.

جگەلەوە گەر زیاتر لە ١٠ هەوڵی کردنەوەی پاسۆوردی ئایفۆن بدرێت ئەوا بەشێوەی ئۆتۆماتیکی سەرجەم زانیارییەکانی لە ناو دەچن.


ژماره‌ی بینین‌ : 1310
کۆمێنت
هێچ کۆمێنتێک بەردەست نیە
کۆمێنتی خۆت بنێرە
ناو :  
ئیمێڵ :   
کۆمێنت :
 
زیاتر ...
فەیسبووک ڕێگری لە کردنەوەی ویکیلیکس دەکات ...
ڤايبەر بە چەند گۆڕانکارييەکەوە بۆ کۆمپيوتەر نوێکرايەوە ...
فەیسبوک تایبەتمەندییەکی گرنگ بۆ مەسنجەر زیاد دەکات ...
دوگمەیەکى "گرنگ" لە موبایلى ئایفۆن ٧ دا لادەبرێت ...
کەشتیی ئاسمانیی جۆنۆ گەیشتە نێو خولگەکەی لە دەوری هەسارەی موشتەری ...
لەسەر ئايفۆن، پياوێک داوای ١٠ مليار دۆلار دەکات ...
زانیاری تەواو لەسەر نەوەی داهاتووی Galaxy Note بە ناوی Galaxy Note 7 ...
بە پارەی ئاسن مەھێڵە لاپتۆپەکەت گەرم ببێت ! ...
دروستکردنی مرۆڤ ...
مێشکی ئه‌م ژنه‌ وه‌ک گووگڵه‌ ...
12345
  زاهید هه‌ورامی - Zahid Hawrami
Scroll